15.-16.mars hadde Hordaland Bonde- og Småbrukarlag og Sogn og Fjordane Bonde- og Småbrukarlag felles årsmøtesamling i Florø.
Det vart mange gode samtaler, inspirerande foredrag, gruppearbeid om strategi og organisasjonsbygging, og fire uttaler vedtekne: Om båsfjøs, beredskap, teigbasert tilskot og tiltak i frukt- og bærnæringa.
Mari Austvoll Gjengedal vart gjenvalt som fylkesleiar, i lag med styremedlemmane Tina Bøe Buer og Birte Larsen, begge frå Midthordland. Nye styremedlemmar er Håvard Holt, lokallagsleiar i Kvinnherad og Kvam, Nils Martin Seim, lokallagsleiar på Voss og Anton Langeland, tidlegare generalsekretær i Norsk Bonde- og Småbrukarlag. Ny vara er Øystein Eik frå Rosendal, i lag med nestorane Jarle Helland og Leif Grutle. Styremedlem Knut Conrad Milde var ikke på val og held fram.