Kostnadsveksten i landbruket er høgare enn i resten av samfunnet og ligg på 14%, rentenivået er på veg opp. Og det kjem ikkje signal i statsbudsjettet om at inntektene skal opp. Trass i lovnader er det heller ikkje signal om betre tollvern.
Me fryktar at høg gjeld vil «lenka» bonden til fjøsdøra i mange år framover samtidig som ein må henta inntekt utanom bruket for å klara seg.
Allereie med dagens økonomi i landbruket er det negativ avkasting på investeringar i landbruket.
Me kan difor, dessverre, ikkje konkludera på nokon annan måte enn å anbefala bøndene i Rogaland om å venta med investeringane til dei ser at inntektene og dei sosiale vilkåra i landbruket kan samanliknast med resten av samfunnet.