Sogn og Fjordane

Sogn og Fj. Bonde- og Småbrukarlag og Hordaland Bonde- og Småbrukarlag hadde ei god og innhaldsrik årsmøtesamling i Florø helga 15.-16. mars 2025. Svært gode innleiarar og ei fin råme rundt arrangementet.

ÅRSMØTE 2025 i Sogn og Fjordane BS og Hordaland BS på Comfort Hotel Victoria Florø 15.-16. mars

Tema:Beredskap, ressursforvaltning, utmarksbeite og jus. Vi ynskjer å lage ei samling der ein får brynt seg litt, sett samanhengar og dratt parallellar, samstundes som ein kan gå heim att til eigen gard og gjere eigen gard rusta i eit beredskapsperspektiv og sjå nytta og verdien i val ein gjer, både med tanke på framtidig miljø- og klimautfordringar og kan nyttegjere seg av eigne resursar på best mogeleg måte for seg sjølv, lommeboka og miljøet. Tema for samlinga vil vere bruk av utmark og godt bruk av beite. Undertema vert beiterett, gjerdeplikt og rovdyrproblematikk. Herunder kjem òg stølsdrift. Anna problemstilling kan vere ferdsel i utmarka, då gjerne med hund.

Markvandring hos Håkon Osland laurdag 13. juli. Vi starta dagen med å gå rundt i den fantastiske hagen til Håkon. Her var masse blomar i alle fasongar og fargar. Håkon har ei levande interesse for vekstane og fortalde om jobben han gjer. Det vert lagt ned mange timar i denne hagen kvart år.